趙慧珊畀狗咬傷有陰影

日前，趙慧珊(Aka)作客TVB娛樂新聞台節目《StarTalk》，大談創作新歌《Fearless》感受。她說：“之前被狗咬傷，剛康復就去錄音，呢首歌需要好大力氣去唱，要擘大個口去唱，第一日錄完音，個傷口裏面的確有啲痛，但係冇辦法，就住就住錄音更加唱唔到，所以最後都冇理，每次一唱完我五臟六腑啲能量好似掏空晒出嚟咁，好攰！之前有失眠習慣，錄音嗰幾日，估唔到一返屋企連床都未上就可以瞓着。”

早前往流浪狗場做義工被咬傷，她直言有陰影：“當時唔知有冇扯走我啲肉，淨係覺得好痛、麻痹同流血，真係驚毁容同有疤痕，所以之後都好聽話配合戒口，唔出街唔化妝，好好護理，初初因為個嘴郁唔到，所以要用飲筒飲粥水。試過發夢夢見畀同一隻狗咬，依家慢慢克服，希望再見到啲大狗都想試吓可唔可以餵嘢食，再返去狗場做義工。”