苑瓊丹進軍飲食界做食神

苑瓊丹近日投資七位數進軍飲食界，大量生產即食餸包，期望成為圈中食神：“估我唔到吧？其實都係靠拍檔教路。我覺得香港的父母都好忙，收工又要煮飯，真係好辛苦！所以就有了即食餸包呢個概念，點知與拍檔一拍即合，咁咪膽粗粗投資囉。其實我唔識煮餸，但我識食好餸，所以我負責品質管理，唔好食的我唔會賣。”

苑仔坦言唔抵得老公每晚“粗茶淡飯”，才決定進軍飲食業：“因為工人姐姐完全唔識煮，老公講過邊個餸好食，佢就晚晚煮畀佢食，食足成星期都係咁。因為呢個工人姐姐好錫狗，所以我唔會炒佢，但咁唔係辦法嘛，所以買咗即食餸包睇門口。老公話既然係咁，做咩唔自己投資？依家咪慳返買餸錢，又可以畀老公食餐好。總之一為神功、二為弟子啦。”

瓣數多多的苑仔講笑話享受賺錢過程，歡迎任何人約她投資：“我冇乜錢咋，但想搵錢就真。呢排疫情下少了外地拍戲工作，咪圍埋度橋搵錢囉。遲些會搵圈中好友幫手拍片做宣傳，大家咪有工開，唔夠錢畀出鏡費，就用食物餵飽佢哋啦。”