歡樂今宵木人巷

五十三年前今日，有個長壽電視節目開播，有人由細睇到大，有人後生睇到老，數十年間陪咗兩三代人。此係典型集體記憶，港澳無人不曉，《歡樂今宵》，識冇？

“日頭猛做，到依家輕鬆吓；食過晚飯，要休息返一陣。大家暢聚，無線有好節目；歡歡樂樂，笑笑談談，我哋齊齊陪伴你！”電燈着，鬼掹腳，無數家庭有如上癮，晚飯時間無此不歡。才女林燕妮作此曲唱足幾十年。

當年無線開台未幾，想學鬼佬搞歡樂節目。廿一歲電視奇才蔡和平耗時五個月，靜觀港人生活習慣、文化訴求。節目開播，一鳴驚人，由此欲罷不能，連播六千餘集，成全球最長壽綜藝節目。

此乃電視少林寺，幾乎所有名藝人都曾於此打過木人巷，最終成材；幾許經典名作，於此揚名。此免費節目，曾為不少貧困家庭“加餸”，電視送飯頓成習慣。苦中作樂，樂此不疲，經典至極！

西門公子