李雨陽風水樓值九十分

久違了的李雨陽，日前擔任香港開電視全新節目《搵陣》的嘉賓，請到蘇民峰師傅為他的住宅睇風水。蘇師傅盛讚雨陽的家居值九十分，旺丁又旺財。

原來蘇民峰最初只看平面圖時曾非常擔心：“一睇平面圖就心知不妙，因為佢間屋的廚房門對正廁所，咁叫水火交戰，係風水大忌。點知原來佢已經改咗，解決咗呢個問題！”

被讚家居風水大好，雨陽十分開心，他說：“最初都冇考慮風水問題，只係請室內設計師幫手裝修，同埋依家有咗小朋友，最緊要一家人都身體健康，小朋友讀書成績好。”