汪臣拚盡收復前失

今午跑六場草地賽，各場出馬稍增，惟形勢危機四伏，賽果爆冷可料，投注要打“因住波”。今季騎師陣營競爭激烈，季初有多人成績接近，頭馬只相差兩三場，跑完今仗排名隨時會變。前領張志立停賽無緣參戰。另路人馬何華麟刑滿復出，今仗強駒應戰，睇環境會有馬贏。

何華麟暫取六W排名第三，成績不俗。此子上季停賽多，故頭馬數字下跌。今季跑過近兩個月，陣上頗具鬥志，近期出擊有瞄頭。何華麟畢竟屬華將一哥，騎功夠分量，實力馬可交出水準。今仗強駒在手有力數餬，馬迷宜留意此子動態。

第一場：“特別條件”千五米。“汪臣”上仗同程後追不及，闖入連贏仍未竟全功，但人馬表現尚算不俗。拚後原程續戰，何華麟熟手執韁擺明要拚。“汪臣”質新未盡，今處混戰場合遇對手無多，形勢有利，拚盡可收復前失。

第二場：四五班千二米。“卓人行”上仗同程快放掄元，贏來猶有餘勁。此駒今季作戰能力全面復甦。拚後重新打磨，狀態續增。今次原程出擊正合發揮，易配何華麟操刀遇同場對手不多，可爭取連捷。

第六場：四班千八米。“凱璇駒”上仗出閘包尾，入直路如飛殺上，力拚掄元，走勢予人犀利感。此駒跑同程為最佳出路，班底夠厚，現居班次有利可圖。今次改配何華麟再戰原程路合無疑，負磅減壓形勢佔優，騎者搏盡可謀添食。