謝嘉怡認單身四年

陳家樂冧連詩雅賀前度結婚

昨日，港姐冠軍謝嘉怡與陳家樂出席商場聖誕節活動。謝嘉怡今年首度在港過佳節特別興奮、開心，透露正日會跟嫲嫲、姑姐、表妹一同慶祝，至於身在蘇格蘭的父母約一月中回港，她說：“依家蘇格蘭都算安全，未係完全Lockdown，但夜晚六點後就要回家。（擔心佢哋返唔到香港？）佢哋飛到，飛之前做測試，返到嚟再隔離。”

謝嘉怡參選港姐前曾任手術室護士，過往聖誕節是否於手術室度過？她笑言多數都放假：“朝早一起身就食雪糕做早餐，之後會睇聖誕電影，夜晚會同屋企人食飯。（唔同情人過？）嗰邊過聖誕就好似中國人過新年咁，每年都同屋企人過，仲好呀！（唔恨過二人世界？）冇所謂。”她自爆單身三四年：“之前覺得讀書緊要啲。（依家有冇人追？）冇。（抑或你察覺唔到？）可能係，我廣東話又唔太好。”

陳家樂被記者打趣指，今年是他跟女友連詩雅拍拖後的首個聖誕節，問他想不想過二人世界，他怕醜說：“打足球Game。（詩雅打機叻？）佢都叻嘅。”抑或揀男友最叻？家樂爆笑“求饒”：“唔知呀！答唔到你！”問到會買甚麽聖誕節禮物給女友，他賣口乖指會買活動中的公仔：“個個都會買禮物。（女友唔係會特別啲？）一視同仁，公仔都幾好呀！（攬得你嚟都攬唔到公仔！）攬公仔毛鬙鬙舒服啲，攬我呢啲骨杉杉唔好。提到前度余香凝於本周六結婚，家樂大方表示恭喜。