傳世佳作金銀島

倘閣下自細愛看公仔書，定必睇過《金銀島》。條靚仔發白日夢，冒險搵寶藏，過程驚險奇幻。情節之吸引，百幾年前已被搬上銀幕，此後重拍不知凡幾，由黑白到彩色，套套賣錢，證明係不朽之作。

此虛擬寶藏，係英人史蒂文森天馬行空之作。史公體弱多病，自幼卧牀聽老媽講古，乃至幻想多多。成年後，寧逆父意，棄幾代祖先燈塔設計工程專業，轉而揸筆搵食，留下傳世佳作。

史公喜旅遊，所經所歷，全係創作素材，雖弱體殘軀，旅程艱辛，卻不損其創作雅興，乃至讀者如親歷其境，興致頓生。

除卻歷險小說，史公還有一作，乃黑色喜劇，名曰《

入錯棺材死錯人》。上世紀六十年代曾拍成電影，“傻豹”彼德斯拉、金像影帝米高堅演來維肖維妙，笑到碌地，為當年不可多得之黑色喜劇。

今日係史公一百七十齡冥壽。

西門公子