昨日賽事總投注逾三百四十萬

輝浩鄒三廄開齋

昨天草沙混合賽完結。是仗在陽光普照下進行，六場總投注三百四十二萬四千元。

頭場出馬九匹，大熱門順利得勝。張志立騎輝廄“柏檔明駿”，臨場被捧成頂頭熱門，獨贏不足兩倍，結果以輕鬆姿態取勝。此駒上次搏殺跑第三未竟全功，今次改配牌仔張志立再拼。騎者發揮水準替馬匹補中，贏後賠率熱到燙手。但輝廄新季連仗守齋，今仗憑此駒打開勝門亦可喜。張志立增添頭馬，龍虎榜續領風騷。

第二場任布利、梁國浩騎練開齋。浩廄“創投精英”上次由劉永康執鞭落敗而回。今次縮程起用任布利再搏，臨場乏人問津，賠率冷至三十四倍。騎者出閘後採留前鬥後戰術，入直路全力衝剌，埋門將對手一網打盡。三十四倍冷W替馬匹開齋。浩廄贏馬，任布利喜獲新季首W。

第三場林凱爆冷贏劉志森廄“鳯煌之星”。此駒同林凱一向夾檔，上次跑沙短途用黎昌全無功而回。敗後易地再來，今次回配林凱操刀出閘殿後，全程跟尾入直路展開強勁衝刺，埋門如飛將軍從天而降，最終輕取對手個幾馬位，爆出六十九倍大冷W。“鳯煌之星”贏來如有神助，殺至同組對手一頸血。林凱、劉志森攜手添頭馬。

第四場田中正一贏馬。錢廄“櫻花路”交其操刀，以較佳留放後上挫敵。此駒上次任布利跑沙地落敗，今次轉草再戰，易配田中正一搏殺。騎者發揮恰到好處，埋門挫敗對手爆十六倍冷W，替錢廄建功。

第五場七駒角逐爆過千元冷Q。劉永康騎馮廄“悍勇駿駒”成十四倍冷門，出閘守住二三位，入直路發力甩開對手直奔終點。此駒上次安萬堯跑第二，今次易配劉永康可挫敗一眾強敵，人馬表現更勝一籌。馮廄添頭馬，騎者居功不小。

尾場鄒欽華食尾餬兼開齋。旗下“高而靜”由高君濤押陣出閘搶放，全程自造步速，一口氣直帶到尾，贏來全無壓力，替馬房開齋。鄒廄新季出戰多仗未贏馬，今次打開勝利門，高君濤應記一功。