豐收年再下一城

上周兩仗連場爆冷，馬少場合更爆至亂籠，熱門馬跑至無影。今日賽事形勢依然緊湊，馬少場合容易古靈精怪，投注執生。

近期捧騎師不離張志立，連仗有馬贏，現龍虎榜上位居前列，刻下氣勢正盛。今仗獲多匹實力馬出戰，跟紅頂白堪追捧。

另一位華將余健雄開季曾領先，惜早前停賽被對手扒頭。目前只落後張志立兩W，隨時可反先。余健雄今仗強駒在手，睇環境會去馬，值得吼緊。

第二場：四班千二米。“豐收年”上季拼搏不多，沙地四戰獲兩勝一位，計戰績不差。質新馬潛力未盡露，踏入今季續有進步。勝後小休再披甲，今次原配余健雄出爭草地千二米，在澳首戰此途程料可適應。遇同組對手多不穩分子，有力再下一城。

第四場：三四班千五米。“千億皇帝”千五米路程起家，有績可尋。前季拼搏多要回氣，上季無甚建樹乃練者部署減分。連敗後轉跑千五米，今次有備而來。續由余健雄操刀，騎者對馬性已摸到熟，遇上混戰場合，隨時一網打盡。

第五場：二班一五一○米。“東方盈喜”上仗負重磅力拼第三，表現仍佳。此駒底質高，跑沙地實力雄厚。拼後重新打磨，周內晨操由余健雄試過一課，騎者摸實不放手，對此駒重視。今仗路合且磅位減壓不同估計，拼盡可勝此陣。