李昭南性感跳唱突破自我

ViuTV偶像育成節目《全民造星3》今日播出第三集，一眾參賽者陸續出場參與前哨戰，今集輪到ViuTV藝人李昭南(Mishy)出場。

經常為ViuTV不同節目擔任主持的Mishy，亦有參與劇集拍攝。苦等機會的她，原來一直夢想成為唱作歌手:“因為見到好友黃劍文加入ViuTV後有機會為某些劇集寫歌，並主唱主題曲，所以效法他加入電視台。”

導師林二汶評價Mishy：“當刻見到佢，覺得佢觀眾緣唔夠，冇一種令人眼前一亮的感覺，唔亮呀。”原來Mishy亦深知自己不足之處，但不知道如何可改善：“成日問同事點樣可以改善呢方面，會檢討點樣去突破呢個點。如果唔係公司繼續留我呢個人亦冇乜意思。參加《全民造星3》目標係希望大家當我係一個音樂人身份去尊重，可以繼續在音樂方面發展。”為求突破自己，Mishy亦一改形象，唔做平時自彈自唱的自己，“想讓觀眾睇到另外一邊的我”，在今集中，她以性感造型跳唱演繹歌曲《Cazzo》。