台慶騷直播煮牛肉

黎諾懿唔介意失手

黎諾懿與陳煒、王敏奕、黃智賢、 陳敏之及陸浩明昨日出席萬千星輝賀台慶節目錄影。去年台慶因社運關係沒有現場直播，今年雖然仍沒有安排觀眾入場，但會進行直播。

黎諾懿直言希望有現場觀眾：“今年做咗好多綜藝節目，場面係冷清啲，我好希望再有現場觀眾。日前拍完《逆境廚神秋冬盛宴》，都有少少現場氣氛，其實已經好好多。”問到現場下廚可擔心失手？諾懿表示反而不介意失手，笑說：“偶然失敗至好睇！如果太完美反而似廚房佬，以我所知，有啲人上網都係等睇我幾時失敗。”問到煒哥可試過失手？她表示：“在家中下廚始終有較長時間，可以慢慢煮。如果現場的話，因為時間倉猝，又唔熟架步，都有機會失手，這方面就要靠累積經驗了。”

諾懿表示直播時會煮牛肉菜式，但他多年前已戒食牛，被問如何試味？他說：“我唔食牛都整，簡直神乎其技！好彩牛肉味道好單一，主要落鹽同黑胡椒就可以調校味道。因為平時的節目內好少煮牛肉菜式，今次特別搵最靚的牛肉去炮製豐富菜式。”

煒哥就透露會煮海鮮，而且今次煮的是並非一般海鮮，而是貴價食材中的法國藍龍蝦及西班牙紅蝦。煒哥說：“呢兩種海鮮一向都好貴，而且好少有，加上要新鮮先煮得出鮮味。”兩人表示昨日只是錄影部分鏡頭，台慶當晚會加入節目內播出，當日會即場下廚。

諾懿被問除了下廚，台慶當晚可會獻唱？他自嘲說：“你都知我唱歌好猛料啦，如果唱國語，我怕唱完大家再見唔到我。獻醜不如藏拙，如果我唱歌，星夢一早簽咗啦，自己知自己事，拎返鑊鏟算啦。”

王敏奕透露在節目內會與黎諾懿合作下廚：“我會負責煎三款味道的牛扒。因為老公曾國祥愛食，所以我經常會煮牛扒，在家中更會整熟成牛扒。不過老公近日返了內地工作，希望快點有健康碼，咁我就可以返內地探佢。”問到婚後是否多了下廚？敏奕說：“婚後反而少咗煮飯，不過我自細已幫媽咪手煮飯，媽咪又放心畀我入廚房。我都有畀細佬入廚房幫手，覺得煮飯係唔錯的一家人活動。”

談到早前有消息指其老爺曾志偉出售西貢獨立屋賺了九千多萬元，敏奕初時表示不知情：“因老爺返了內地工作。”及後才承認有朋友將報道轉發給她。問到會否向老爺請教投資心得？她笑說：“唔會問，我要畀心機工作先賺到第一桶金。我投資唔叻，糖妹反而好叻，佢成日同我講，但我聽到一頭霧水，希望好快可以在香港買到樓畀媽咪住。”