空姐大爆明星空中秘聞

大明星坐飛幾 ，好比平民搭巴士。許多空姐目前失業賦閒，開網站大爆“空中秘聞”、明星好壞脾氣，秋後算賬來了。

“你哋好呀，今日張先生好攰，如果你哋想影相或簽名，我諗佢今日唔方便。”有次，張學友坐長途機去洛杉磯，他的經理人好識做，登機即去頭等艙廚房跟機組人員打招呼；回程時，咁啱遇到同一機組，經理人主動講：“張生今日狀態OK，如果想搵佢簽名或影相，絕對無問題。”

又有空姐爆料，有次遇到一位乘長途機男藝人，甫登機即向空姐表示：“好攰，唔影相、唔簽名。”空姐摸不着頭腦，不知他是何方神聖。

最驚險一次，周潤發是最後一位客人上頭等機艙，當時全機等佢一個。但他即時道歉稱：“唔好意思，因為登機時被粉絲包圍。”“好有禮貌！”空姐錦上添花：“有朋友同我講，佢拍戲時會幫劇組人員掃地。”一個人成功唔係冇理由嘅！

梁朝偉對空姐好親切，常閒話家常。有一次，他對馬來西亞空姐說：“你知唔知，我去日本滑雪時戴住晒裝備，好多人唔認得我呀，都不知幾爽，哈哈。”偉仔還會到廚房跟空姐傾偈，好有風度，卻並非媾女嗰類。

空姐網上獨得之秘：有位巨星，姑諱其名，機上喃喃亂拋英文：“我只想去死，我只想去死。”目的叫人“借過”去廁所，笑煞江湖。

空姐們選出最可愛的女明星乘客：舒淇。“她會主動跟空姐傾偈，誠懇到連感情問題都會同我哋同事講。不過，當時佢應該唔係同馮德倫，同邊個我哋冇問。”舒淇又對空姐講自己想過做空姐，因為唔夠身高，做唔到。

空姐空群“圍剿”藝人，衆多九霄雲外的娛聞中，卻缺少兩宗經典娛聞。一、王菲機艙甬道側身相片刋財經雜誌。被拍此大肚照時，正處震撼的三角戀；一位財經女記者飛北京採訪，躺着“執到寶”。又一宗經典係柏芝與某某在機艙狹路相逢，來個合照；這新聞最終弄到妻離子散。

許多秘聞沒有爆出來，因大多數貼身服務大明星的空姐，都是善良忠厚、非常專業之人，必有好報！

高 梁