昨晚賽事總投注近三百二十萬

謝偉豪起孖李森開齋

昨晚草沙混合賽完结。是仗出馬疏落，部分場合得七駒角逐戲碼平淡。

六場總投注三百一十八萬九千元。

頭場黎昌全騎劉志森廄“北方傳說”先拔頭籌。此駒上次跑沙地短途落敗。經熱身一仗後今次原配黎昌全，出爭草地首本路即搏殺。騎者出閘守好位，入直路發力衝刺彈甩對手，贏來全無壓力。替馬匹取得新季首W。黎昌全、劉志森攜手添頭馬，騎練合作愉快。

第二場七駒角逐大熱門全部死火。適廄三駒列陣，“寶石輝煌”、“靚到爆”千二米有根有據，但跑至四甲不入。反而恩利克策同廄“幹細胞”初出插班，成三十八倍冷門卻爆個石破天驚，令人始料不及。“幹細胞”出閘讓賽慢半拍，全程發力追趕，入直路展強勁衝刺，竟贏至對手離行離列。初出馬黃袍加身，表現一鳴驚人。適廄贏馬收穫甚豐。

第三場張志立爆冷勝出“家裏有礦”。此駒近期由威廄轉倉張兆煊接手，今次初出復跑開齋路程即搏。騎者出閘順利守住五六位，入直路展強勁衝刺，埋門將對手一網打盡。“家裏有礦”轉倉即勝，表現生氣勃勃。張兆煊省靚招牌，張志立居功。

第四場李森贏馬開齋。旗下“達利年”由何華麟主轡出閘守住好位，全程小心翼翼，待入直路才發力，埋門輕鬆挫敗對手，替馬匹打開新季勝利之門。李森新季連仗未贏馬，今仗開餬，何華麟居功不小。

第五場陳卓鋒爆冷贏馬。此子替豪廄“越戰越強”執韁，以強橫後勁撼低對手爆十倍冷W。此雙人馬上次千五米入Q，今次原裝配搭縮程再戰。陳卓鋒騎來發揮水準，一條直路殺上取勝，替馬匹打開新季勝利門。

尾場謝偉豪廄起孖。旗下“半畝先生”由劉永康押陣，埋門影相險勝“金槍紅”， 替馬房起孖。此雙人馬上次爆完冷再來，今次增程出擊騎者駕輕就熟再建奇功。豪廄起孖食尾餬埋齋，全晚成績至醒。