金奔馳拼盡可開齋

今日六場草戰出馬不多，但錦標賽連場，戲碼不俗。華將余健雄上次停賽，領先地位被張志立取代。今日余健雄騎足六場，可否重返榜首要跑過至知。外籍大師父鮑羅素五駒在手，論馬匹匹夠惡，務宜盯緊。

鮑羅素開季後只取一W，成績平平。此位巴西騎師身手不差，留放功夫有一手，只要座騎夠實力可交出水準。練者謝貴全慧眼識英雄，旗下戰駒連仗交其出擊，冀借助鮑羅素爭功。今仗此雙騎練再有合作，不妨留意。

第一場：五六班千二米。“寶珠小姐”上仗千五米放頭跑輸後勁，該仗負重磅吃力，敗不為奇。 此質新馬表現有起色，今季踏入成熟期料有再進空間。拼後匆匆再來，負磅驟減且排好檔，改由鮑羅素操刀配搭更強，拼盡可開齋。

第二場：五六班千八米。“金奔馳”宜沙宜草，善跑長途，十歲馬迄今未盡退化。此駒前季兩捷後評分調高，上季十一戰悉數落敗，乃練者部署減分再用。上次沙地由庸手操刀無功而回，擺明是熱身性質。拼後重來轉戰長途，強配鮑羅素執韁人強馬壯，拼盡可開齋。

第四場：一二班千五米。“天域翱翔”上仗千二米放至埋門始敗，跑完即休養生息。經重新打磨再來，今仗操好始出擊。此駒復跑中距離路程尤合發揮，遇上同組快馬不多，鮑羅素搏盡可勝此局。