姜皓文自彈自唱冧老婆

每年十月，對“黑仔”姜皓文來說是個特別開心的月份，因為除了是他生日，也是其太太殷寧的生日，更是兩人的結婚周年紀念。

日前工作結束後，黑仔獲工作團隊送上生日蛋糕驚喜慶祝，黑仔表示生日願望最想大家身體健康：“好多謝大家咁有心，好多朋友都話一齊慶祝，不過疫情關係就冇得一齊食飯。我諗今年好多人的生日願望都係一樣，最緊要身體健康，開開心心！”

雖然今年沒有大班朋友一同慶祝，姜皓文與太太二人世界卻很甜蜜。黑仔在太太生日及結婚周年紀念日安排了連串心思驚喜：先有自彈自唱生日歌及《分分鐘需要你》，再安排餐廳浪漫撐檯腳。難怪殷寧大讚老公，更笑言突然覺得心跳加速：“黑哥畀咗我好多驚喜，生日當晚拉我入房，彈結他畀我聽。當下有心跳感覺，覺得老公好靚仔，多謝老公！”

往年夫妻兩人多是到檳城慶祝，雖然今年去唔到，但兩人異口同聲表示：“會掛住檳城，但依家呢一刻最緊要係大家健康平安！”