紅館開騷前泳兒唔結婚

泳兒(Vincy) 日前接受TVB娛樂新聞台節目專訪，大談推出暗黑風新歌的感受。Vincy說：“做暗黑風做上癮，可能之前唱得太多情歌、太深入民心，上年開始暗黑風後，暗黑開始可以與我扯上關係了。其實我本身都好鍾意呢類曲風，多得填詞人周耀輝老師填詞，我哋合作超過三十首歌，佢好清楚我適合甚麼，非常有默契。”

疫情之下，泳兒透露工作也受影響：“雖然收入與事業都有影響，但放慢咗生活、多咗時間沉澱自己。（更加養生？）因為之前試過失聲，所以要更加照顧聲帶同身體，着緊呼吸系統，每朝早都會蒸鼻七分鐘、用椰子油漱口廿分鐘，對聲帶好有幫助。”

被問會否保養身子雪卵？Vincy說：“其實之前見到同門的報道後，都有叮一下：係咪應該去做？但真係冇仔細諗過，久而久之無行動。我唔抗拒有小朋友，不過呢個階段暫時未準備好，因為有小朋友後責任好大。（想結婚還是想紅館開唱先？）想快些有機會開紅館騷，因為結婚冇年齡期限，只係一張紙；如果年紀大才開紅館騷，體力同聲帶始終一定有影響。”