被楊凡相中鵝公喉

姚煒首次聲演頻NG

楊凡製作的動畫新片昨日舉行香港國際電影節的CineFest環節的首映禮，有份聲演的張艾嘉、林德信、陳果、姚煒、曾江和焦姣均有現身撐場，眾人並分享聲演感受。

導演楊凡製作的動畫《繼園台七號》（導演版）早前奪得第七十六屆威尼斯影展最佳劇本獎，昨日該片在香港國際電影節的CineFest環節舉行首映禮，張艾嘉 、林德信(Alex)、姚煒、陳果、曾江與太太焦姣齊齊出席支持。眾人在活動現場分享聲演感受，姚煒和林德信同是首次聲演，笑言NG很多次。

久未在幕前演出的姚煒，表示今次答應聲演是因為畀面相識四十年的楊凡：“佢初初同我講的角色唔係咁，佢話係聲演知名京劇戲劇家，我諗應該係一個好靚的女人，但原來這位名家係男人。我話我咁女人點做男人呀？佢話我性格好男人，咁我就知佢講咩，因為我把聲好似男人。”

姚煒又自爆被導演責罵，因為她的角色比較激，加上將自己的意念投放入了角色：“有場戲，佢忍無可忍咁斥責我，原來唔可以將自己意念帶入戲裡面。我聽佢話，後尾佢收貨。我冇嬲佢，我同佢合作過，佢未試過語氣咁重同我講說話，我明白佢做事好認真，如果唔收貨就唔收貨，冇得傾。”

同樣是首次聲演的Alex表示能跟眾多前輩合作，是很好的學習機會，但同時壓力好大：“我未試過配音，所以有好多NG。我的角色要講普通話，對白又長，好大壓力，我試過在台灣街頭邊行邊唸對白，好似癲佬咁。”

被問是否快將再做舅父？Alex透露胞妹林德懿正在美國待產，預計今周內分娩。他說：“妹妹本身都係瑜伽教練，佢都有做孕婦瑜伽，我都好想去探佢，但依家去唔到。”問到今胎是仔還是女？他指妹妹未有透露胎兒性別，要等出世才知道：“佢唔想知，冇照，想有驚喜。”即將再當外公的林子祥也沒有表現緊張，“因他一向都好酷。”