尹光票房差嚇到退訂

尹光接受苑瓊丹主持的香港開電視節目《開工大吉77》訪問，分享其演藝生涯。

出生於越南的尹光，當年為逃避兵役移居香港，因為找不到工作，經朋友介紹去荔園“粵曲歌壇”唱粵曲，後來轉戰夜總會任駐唱歌手。談到“廟街王子”之名的由來，他笑言：“因為當時我推出了《十四座》呢首歌，好受歡迎，由廟街街頭播到街尾，最終大家叫我做廟街王子囉。”尹光曾登上紅館開騷，他最感激的是已故“演唱會之父”張耀榮：“當年張生有幾日檔期唔知搵邊個攝，託人同我接洽，紅館一萬二千個位，賣咗兩個星期飛，都係賣得二、三百張，嚇到我同張生講：我唔做啦，退番啲訂金畀你。佢話唔得，要繼續做。到開騷當日我去化妝，老婆話出面排晒隊買飛，最後有九千幾人入場，真係奇蹟。”