楊凡笑談新片沖涼戲

導演楊凡日前接受香港開電視專訪，分享創作點滴。楊凡憑自編自導的動畫《繼園台七號》於今屆威尼斯電影節贏得最佳劇本獎。

楊凡多年來執導的作品都不乏男生洗澡場面，他笑言這部動畫亦不例外：“我呢部動畫都有沖涼戲！之前我有個朋友睇完，想叫我剪走沖涼戲份，我就覺得呢部作品一定要有沖涼戲，等大家一諗到楊凡電影就一定有男仔沖涼！我之前執導的《淚王子》，因為張孝全冇沖涼戲份，所以畀人鬧得好犀利，哈哈！”

楊凡坦言難忘邀得當年親手發掘的吳彥祖聲演新片：“我好驕傲咁講，我對香港影壇唯一的貢獻，就係發掘了吳彥祖！記得當時整部戲配好晒音之後，聲音設計師同我講有個角色條聲收得唔係幾好，於是我就諗，假如搵吳彥祖配就最適合！點知第二日吳彥祖就打畀我，話會返香港。佢已經有兩年冇返過香港，於是我即刻搵佢來配音。”

向來視吳彥祖為“兒子”的楊凡，表示彼此關係緊密，亦喜見對方至今依然是許多人心目中的男神：“人梗係會長大，不過我最欣賞吳彥祖的，就係佢一直保持高尚情操！好多時我都希望一個人老咗都要老得靚啲，或者保持一個美好形象，我覺得吳彥祖就做到呢一點。”