昨日賽事總投注近三百一十二萬

張志立搏殺起孖

昨天草沙混合賽完結。是仗出馬較多場面熱鬧，全日總投注額三百一十一萬八千萬元。

頭場十二駒角逐千二米，大熱Q順利得手。余健雄騎蔡鎭威廄“華英雄”埋門後上，挫敗高君濤“速遞良駒”先拔頭籌。此雙人馬上季曾有勝績。今次人馬重遊勝路，雖然出閘最慢，但直路憑凌厲後勁殺上爭功。蔡廄新季喜獲開齋頭馬，余健雄居功。此雙騎練季內合作可繼續留意。

第二埸張兆煊廄添頭馬。旗下“杏木”由張志立主轡，出閘應聲彈出，全程快放一氣呵成帶返終點，令對手無力招架。此駒來澳服役後未出頭。上次沙地敗後轉草再戰。今次搶放在前贏至彈甩對手，替馬匹打開勝利之門。此匹日本馬開竅後表現會更好，下次同程再戰可重視。張兆煊、張志立攜手添進帳。

第三場田中正一爆冷贏錢廄“皇庭之寶”。此駒上季表現較沉寂，但馬匹連敗多場評分驟減。今於二、三班混合賽出擊，田中正一留放有度。出閘跟貼對手，入直路才全力衝剌，埋門一網打盡，爆十九倍冷W。錢廄贏馬，田中正一應記一功。此雙騎練近期加強合作，季內值得重視。

第四場張志立搏殺起孖。此子贏完“杏木”氣勢如虹。是場騎史偉恩廄“志仔鮮生“，以較佳留放後上掄元。此雙人馬上季千五米大勝對手而回。新季首次出戰千二米，張志立騎來淡定，埋門發力竄上，以短頭位氣走對手，替馬匹取得新季開齋頭馬。史偉恩、張志立攜手贏馬，合作愉快。

第五場黎昌全、劉志森騎練齊開齋。森廄“澳門好”上次短途賽交黎昌全操刀，後上得梗頸，拼後原裝配搭增程出戰。今次憑較佳留放後上退敵，替馬匹取得新季首W。劉志森贏馬，黎昌全亦開齋。

尾場何華麟食尾餬。此子前五場無馬贏，跑至尾場騎馮廄“滿貫藍寶”後上取勝。此雙人馬上季有勝績，今季首戰同樣交出水準，替馬匹取得新季首W。何華麟丶馮耀正攜手食尾餬埋齋。