糖兄妹出道十周年重組

糖兄妹日前接受TVB娛樂新聞台節目專訪，大談出道十周年及推出實體專輯的感受。

“糖兄”阿峰說：“感嘆十周年我哋都仍然在，要明白依家世界轉變得咁快，一兩年已經好似好耐，所以我哋經歷十年真係唔容易。”糖妹說：“我哋有五年時間冇以糖兄妹名義出歌，那段時間大家分開發展，糖兄做幕後音樂、我去拍劇同做主持，係多咗人留意，不過注意力去咗我演戲及做主持上。近年在《流行經典五十年》中露面或者自己拍Cover片，大家又好似留意到呢個女仔係好認真唱歌喎，所以我諗十周年都係時候出來見返大家。”

被問到糖兄有甚麼令糖妹不滿的事？糖妹說：“佢成日唔記得帶證件！點解呢啲事可以試過兩次！”糖兄說：“因為一次係身份證、另外一次係回鄉證！其中一次因為咁而去唔到內地工作，自此之後，同事及我老婆都會提醒我，我都好不滿自己呢件事。”

兩人於節目中亦互爆小秘密，問到糖妹死穴？糖兄即說：“有好多都唔講得！好似點解佢咁耐都冇拖拍？”他又叫糖妹不用擔心，因為科技進步，年紀大都可以生仔。