威瀚勇士馬勇路合

澳馬戰火重燃，今午上演六場沙地賽，頭場兩點正開跑。騎師陣營較完整，除原班人馬，巴西恩利克停賽期滿。此子餓馬三次復出必拚，其座騎可留意。綜觀大局，各場形勢依然緊湊，尤其低班混戰場合更覺暗湧重重，兵兇戰危局面，賽果熱倒冷爆唔奇，投注小心推敲。

筆者心水推介，第一場六班一三五○米，史偉恩廄“威瀚勇士”可做此場馬膽。此駒上仗一五一○米後上第三，直路走勢強勁。拚後重新打磨，原配艾比主轡人馬合拍，遇同組對手無多，拚盡可勝。

“威瀚勇士”六班質新未盡。上季三戰草地無功而回，乃礙於進度不足。唞暑後重新打磨，上次新季首戰跑沙地闖入三甲，走勢轉好。馬匹拚後打磨甚力，晨操由艾比親自摸過幾課，騎者對此駒愛不釋手。“威瀚勇士”狀態持續扳升，今番操好再來有充分準備。艾比新季未開齋，料必盡拚求逞，憑馬勇路合，冀可開齋。