搵到剩到拼開勝門

今季開鑼後跑兩次賽事，練者馮耀正暫以兩W居首，今仗派四駒出戰，實力不容輕視。況且季初積極搶攻，擺明是有鬥志，今日捧馬房要吼實此廄。

馮耀正廄新季捷報頻傳，現有兩W三P在手。開齋後馬房上下信心倍增，廄主季內可疊埋心水搏殺爭取佳績。馮廄今季養逾三十駒，頗多質新馬實力未用盡，踏入全熟期可替馬房爭功。今仗四駒列陣，論馬具實力，陣上隨時可發圍，馬迷宜盯緊。

第三場：二班一五一○米。“搵到剩到”沙地起家，戰績出色，跑同程適合。上季尾演出復有生氣。唞暑後經回氣再來，今於二班作賽稍佔優勢。此駒續由安萬堯押陣，人馬夾檔，遇上同場對手不多，拼盡可打開新季勝門。

第四場：三班一三五○米。“智勇勁駒”前季贏完後至上季再無頭馬見面，但評分減至有利水位，現居三班作賽應不吃虧。此駒沙地性能特佳，且後上力強，年屆六歲實力未退化。休後重新打磨，強配安萬堯操刀人馬合拍，拚盡可謀開齋。

第六場：四班一三五○米。“軍事紅人”上季尾用劉永康主轡取一勝一位，久沉馬表現全面復甦，令人憧憬。此駒跟得鬥得，同程路有專長。今季首度出戰，賽前已有準備，續由劉永康掛帥。騎者摸熟馬性，於四班作賽倘發揮水準，新季開齋唔奇。