豐收年有利可圖

澳馬戰火重燃，今午上演六場沙地賽事。是仗淨跑本地馬，頭場兩點正響鑼。騎師除恩利克停賽外，續由原班人馬上陣。今日各場出馬有多有少，但形勢依然緊湊。中下班馬屬混戰場合重心難尋，賽事暗藏殺機，熱倒冷爆唔奇。

筆者心水推介，第五場五六班一○五○米。譚文就廄“豐收年”可做馬膽。此駒沙地特佳，上季服役三戰取一勝一位，表現進步神速。唞暑後重新操好再來，新季首戰復爭贏馬途程不同估計。續配余健雄操刀人馬夾檔，可優先考慮。

“豐收年”早熟馬具潛力，跑沙地有好速度。上季三戰同程獲贏位各一，表現能跟可鬥。唞暑後重新打磨，近期晨操由余健雄親自摸過，周二特意試閘考驗，論馬狀態起不差，已具作戰水準。今番回師五六班混合賽應有利可圖，憑騎者駕輕就熟，冀替此駒打開新季勝利門。