鼎爺獲發哥粗口問候

李家鼎（鼎爺）與譚玉瑛（阿譚）近日忙於為新一輯《阿爺廚房》四出拍攝，日前拍外景時巧遇周潤發，鼎爺自爆獲發哥粗口慰問。

鼎爺與阿譚主持的《阿爺廚房》一再添食，日前拍外景時巧遇發哥。鼎爺笑說：“佢好尊重老人家，我只係打開門唞吓氣，佢一見到我即刻走過來，講幾句圍頭話，有粗口又有普通話。我冇所謂啦，佢仲叫阿譚拿拿聲拎個手機出來自拍，佢真係好尊重我嘅。”

中秋節將至，鼎爺表示未必可以跟家人慶祝，如果有時間就想見孫仔；阿譚踢爆鼎爺有空便坐低用手機睇孫仔玩的短片，鼎爺開口表示“如果有孫女就更好”。對於疫情下一家人少了相聚時間，他也感到極可惜，但也沒有辦法。

新冠肺炎疫情影響下，鼎爺自家食店生意近大半年亦受影響，他大叫“頭痕”：“遇着依家疫情真係都好陰公，我暫時仲可撐落去。客人來捧場，兩個又來、四個又來、十幾個咪拆開幾張檯囉，大家開心啫。”