銀壇夫妻羨煞人

一對明星夫婦同月同日生，唯相差四分一世紀，卻又竟成模範夫妻，羡煞旁人。米高德格拉斯，嘉芙蓮薛達鍾絲，美英聯姻，同在荷李活搵食，分別同得金像獎；米高更得個神台獎——金球終身成就獎。

米高算係名人之後，乃父荷里活大明星畢蘭加士打，係銀壇鐵漢。米高於幕後早出名，七十年代監製《飛越瘋人院》（有譯《飛越杜鵑窩》）得奧斯卡最佳電影；八十年代出演《華爾街》得最佳男主角。

乃妻嘉芙蓮則以《芝加哥》一片得奧斯卡最佳女配角。然最好睇還係《黑俠梭羅》，同伙拍辛康納利的《偷天陷阱》（有譯《將計就計》）。

嘉妹年輕貌美，風情萬種，米高初見，已生孳貓入眼，“我養埋你個仔，你嫁我！”嘉妹耍手擰頭。唔使一年，米高搞掂，迎娶嘉妺。有情人終成眷屬。惜天意弄人，米高喉癌末期，至今仍在搏鬥中。

今日係佢倆牛一之喜。

西門公子