湯洛雯儲錢結婚

湯洛雯（靚湯）昨日為翡翠飾品店擔任剪綵嘉賓，獲該品牌送贈一套特製的獨角獸翡翠手鐲，還有袖口鈕轉贈馬明。被問馬明有否送飾物給她，她甜笑道：“送過手鐲，（送手鐲紀念特別日子？）唔講！係秘密，送禮物唔睇是否紀念日，適合便會送。馬明好Sweet，有時我經過見到喜歡的，輕輕講過一下，他便會記住，然後在特別日子送給我。（咁細心，嫁得過？）送禮物就話嫁得過咩？但細心都係好，同佢拍拖都係以結婚為前提。”

靚湯與馬國明自今年六月認愛後，兩人不時放閃曬恩愛，近日更有傳兩人“閃婚”消息。靚湯昨日否認有此事：“當然不會！我們絕對是有計劃的人，之前做訪問話閃婚只是講笑，點都要計劃將來，起碼父母要知、要買屋，但暫時未有結婚打算，先要儲錢。當然，兩個人拍拖必然會討論過結婚的事，完全無提也是騙人。”她亦大方透露互相有對方住所大廈的住戶咭和密碼，更一臉甜蜜地表示已視馬明為結婚對象，叫大家不要再捉弄她。

靚湯續指父母沒有催婚：“爸爸對男友印象是正常，現在都覺得佢好好，但暗地裡應該會希望佢再有進步空間。父母都好喜歡馬明，媽咪更經常鬧我恰佢，又說我房間不整齊，要多給馬明煮食。其實我同馬明對食的要求不高，但媽媽不喜歡我們經常叫外賣吃，所以我為咗馬明都多了落廚。對上一次煮洋蔥炒牛肉，他讚好食我會相信，因為我以前在英國租屋住，會同室友輪流煮飯，對烹飪有少少底子。”