鑽飾月光形勢大好

澳馬今日開鑼，祝君旗開得勝！今午一點馬會假賽事大樓舉行拜神儀式，祈求新季諸事順利，人馬平安。

新鮮出爐冠軍高君濤上季重拾失落了兩屆皇者寶座，可喜可賀。今日開鑼賽此子手握重兵，搏盡有權起孖，值得重視。

華將何華麟上屆排名三甲不入，只因季內停賽多，今季重頭來過。此子算騎得，只要馬匹夠實力足與任何對手周旋。今日胯下六駒匹匹具實力，騎者打真軍，可贏馬攞彩。此子座騎宜另眼相看。

第三場：一二班一五一○米。 “浩勝盈輝”上季沙地戰績不俗，質新馬休後復課重新打磨，狀態保持作戰水準。此仗操足再來，復爭同程尤合發揮，續由何華麟押陣配搭完整。遇同組對手不多形勢有利，論爭勝機會睇高一線，冀人馬可打開新季勝利門。

第四場：三班一○五○米。“鑽飾月光”上季同程三捷，沙地表現可人。質新馬成長續有進步。小休重新打磨，原配何華麟復跑首本路，形勢大好。此雙人馬屢有戰功，堪稱老搭檔。遇同組對手不多，贏馬機會可秤先。

第六場：四班一三五○米。“金邊之星”上季尾走勢轉好。休後重新打磨，操好再來搏殺。今仗用何華麟操刀應不會無的放矢。馬匹質新未見底，現居班次有着數，今次轉跑同程應合腳法，何華麟拚盡可替馬匹打響頭炮。