豐收寶打響頭炮

新馬季今日開鑼，下午上演六場沙地賽。頭場二點正響鑼，新季各項設施無變，騎練陣容如常。練者賀蘭杜夫高掛免戰牌，騎師恩利克停賽缺陣，其餘續由原班人馬參戰。綜觀大局，各場出馬有多有少，部分場次得八駒角逐，亦有出足十四匹爆棚。季初形勢緊湊，混戰局面，暗藏殺機，賽果爆冷唔奇，投注要執生。

筆者心水推介，第三場譚文就廄“豐收寶”可做馬膽。此駒上季煞科前一仗，牌仔張志立贏得很漂亮，有復甦表現。唞暑後再來，開鑼賽改由高君濤操刀，配搭更強，增程跑一五一○米應無問題。欣逢路合人強，可打響頭炮。

“豐收寶”沙地實力雄厚，途程由短至長，連季摘取九W，屬譚廄鎮倉寶。上季尾拚後稍事休息，復課操練仍積極，狀態保持得好。今次操好出擊，轉跑中距離亦合發揮。遇同組快馬不多，出閘搶先放頭，且戰且走，有力帶到，不妨優先考慮。