王梓軒首度學製黑膠碟

王梓軒前日正式推出雙黑膠碟，為了令粉絲大飽耳福，他更在一個月前計劃好兩場線上試聽會，於上周六晚順利舉行。

梓軒透露印製唱片過程一波三折：“今次出雙黑膠碟，係紀念同歌迷一起的十年。上年十二月演唱會已經有預售，本身諗住隔一兩個月就推出，但疫情關係不得不推延至今。因為我唔係在香港印黑膠碟，係要去英國印；而且要重新做混音，一邊英國、一邊美國，要兩邊溝通。印刷同運輸所有環節都要延遲，第一批包裝更出了問題。為了做到最好，令大家覺得物超所值及有紀念價值，我哋用咗半年搞返掂才推出。”

梓軒說製作黑膠是一次難得的經驗：“最大困難係學習選曲、排歌同混音。我之前全部都係做CD或數碼，原來做黑膠的聲係唔同咗，黑膠碟排法有自己邏輯，排得唔好可令聲音變形，我又學到好多嘢。”