譚炳文與李香琴最夾

電台追悼譚炳文，播放他的“最後訪問”，他承認“狄娜剝晒衫全相都見過”。那時文藝片唔收得，色情片有市場，“有人請便去拍囉，（見到好多裸女？）我冇興趣，拍戲係唔同口架嘛。（瓣瓣演出都做男一？）我唔知道乜嘢叫藝術，從未受過訓練，只知道我係做戲，做吓做吓變咗五棲藝人了。”近日有傳媒更正為六棲，因他是香港第一個講馬主持人。

炳哥拍《七擒七縱七色狼》，狄娜是難忘的電影拍檔。但舞台上，不可或缺的是《無頭東宮生太子》的“西宮琴”：“佢同我好有默契，不用排練就上台，對答如流，唔知點解咁夾。”去年，有電台採訪隊邀炳哥一起探望李香琴，遭到斷言拒絕。原來炳哥不忍多年拍檔琴姐已認不出他：“晚年過得安樂，子女搵到食，生活安穩就可以。自己去到人生盡頭，甚麼都不要想，老人家顧住健康，這是最重要的。”

“黑妹”李麗霞參與錄影懷念譚炳文紀念特輯，她是炳哥誼女：“我經由契媽李香琴認識炳哥的，”二人父女情已有十多年：“老竇對後輩很好，每句說話都是教誨。最開心係陪他周圍飲飲食食，他對飲食很講究。老竇，永遠懷念你。”

問黑妹：契媽琴姐是否已知炳哥離世？“她應該知道，契媽現在家中休養。（可有去探契媽？）現時疫情下唔方便。”黑妹自言曾患肺癌，已康復八成。

演藝事業一帆風順，炳哥自言未遇過低潮。去年，江美儀訪問炳哥時，問他人生心得——年輕藝人要工作努力，肯學肯捱，不要得罪人。炳哥又透露曾遭年輕演員白眼，他長嘆一聲，“現在我甚麼都不理，最緊要做好自己，收錢！但至親好友都勸我唔好再捱，唔好咁辛苦，多謝朋友、親戚咁錫我。”

高梁