好運先生打響頭炮

新馬季晨操復課後，各廄為下周六開鑼賽做定準備工夫。上季冠軍馮耀正廄戰駒近日勤操猛練，打磨甚力。旗下高分馬“浩勝盈輝”周三特由何華麟試閘，走來步大力雄，馬匹休後狀態保持得好，看來新季開鑼賽，馮廄仍會積極搶攻。

馮耀正開倉十年，歷季成績穩定，近年頭馬數字不斷扳升。前兩季以三十四W摘取冠軍，贏完冠軍事隔一年，上季更由頭直帶到尾，以四十三W重拾冠軍，為開倉後成績最豐盛一年，寫下練馬生涯光輝一頁。馮耀正奪冠非僥倖，上季花盡心思，且練出多匹好馬。“天域翱翔”四捷最威水。此駒季初一輪急攻連下四城，由千二贏至千五米，表現準繩。夥拍余健雄更無懈可擊。惟四捷後評分高企，季末連敗七仗已減分，回氣後新季料可派用場。此外“搵到剩到”、“浩勝駿綵”、“浩勝盈輝”同取三捷省招牌。前駒由五班贏至上二班，反映練者有功夫。

馮廄馬上季搏盡爭功，贏完再贏者不少，馬房摘冠亦憂喜參半。原因馬匹搏得多總有折損，加上評分普遍調高，新季要錫住用，對馬房爭分或有影響。馮廄現擁有三十駒，屬數一數二大倉，馬匹整體實力不弱。上季“好運先生”、“滿貫藍寶”及“比心機”質新馬不斷進步，實力亦未用盡，新季續可替馮廄爭功。尤其“好運先生”上季沙地八戰三勝兩位，演出水準穩定，四歲馬尚有進步空間。澳馬新季開鑼賽跑沙地，“好運先生”若出爭一五一○米，開正其“米路”，冀打響頭炮。