葡軍“瑞”星高照

【本報消息】歐國聯A3組，衛冕的葡萄牙力爭兩連勝。葡萄牙作客瑞典，C朗拿度或有望趕及復賽，“夫添”人腳出征，葡軍有力睇好繼續爭勝。

葡軍首戰雖有C朗缺陣，仍主場大炒克羅地亞，狀態士氣十足。上場休戰的C朗，今戰或有望復出，不過即使C朗要繼續唞，葡軍仍有大勇的菲歷斯、B費南甸奴、祖達及A施華掛帥進攻，前線火力有信心。防線柏比、柏迪斯奧把關同樣牌面不俗。瑞典繼續由馬古斯貝治、科斯貝治等老將領軍，人腳不差，但上戰主場輸法國損士氣，加上整體實力較輸蝕。葡軍今戰縱缺地利，亦有望睇好爭勝。

葡軍主帥山度士透露C朗復操後狀態不錯，或有機上陣：“C朗近兩日開始復操，他的傷勢康復得不錯，表現亦有態，他今戰會隨隊出征，或者我們賽前再看看情況，我們認為C朗有機會上陣，這對球隊而言是最好的消息。”

法國“羅”三分

法國主場硬撼克羅地亞再演一八年世界盃決賽翻版。法國上戰險勝瑞典搶得開門紅添士氣，論人腳法軍同樣有優勢，狀態大勇的麥巴比配合基斯文領軍鋒線，高盧雄雞進攻火力十足。防線朗格勒、羅里斯等把關同樣有信心。格仔兵近兩年不乏世界波功臣退役，雖仍有列碧、比列錫、洛夫雲等在陣，但缺少摩特歷領軍，實力削弱不少。法軍今戰主場出擊，有力睇好搶兩連勝。