侯活當奴吐槽防疫措施

全球正在受到新冠肺炎的肆虐，而對待疫情的態度，各地大不同。五十二歲的樂隊Take That成員侯活當奴(Howard Donald)就防疫問題吐槽，認為有人實在太過大驚小怪，搞到人心惶惶。事源早前他帶埋老婆凱蒂(Katie Halil)陪住四歲兒子Dougie Bear去剪頭髮，竟然被拒諸門外，事關髮型屋要求Dougie一定要戴口罩，搞到侯活推文勁發牢騷，指髮型屋實在太過份，既然咁驚就唔應該打開門做生意。

侯活指他全家入店時戴晒口罩，只是要求兒子在剪髮時不用受到束縛，唔明白究竟店家驚乜嘢。他認同防疫是重要的事，但人們依然要生活的，別將恐慌情緒推向了一個全新的高度，這是完全不合理兼無補於事。侯活表示他一出門口就嬲到出煙，覺得髮型屋做法不妥。