粉絲為偶像越洋送驚喜

姜濤收三部應援車

姜濤月前到台灣拍劇，一眾粉絲為偶像籌備驚喜，一口氣安排了三部應援車為偶像及劇組打氣。收到禮物的姜濤非常驚喜，更逐一參觀應援車，表示會畀心機拍劇，唔會令大家失望。

Mirror 的粉絲出名熱情、創意無限，每次偶像出歌、生日，都會眾籌買戶外廣告版、地鐵、巴士站廣告牌外，又會自製抗疫宣傳品送電台DJ、派宣傳卡為偶像造勢。不過，要數到Mirror狂迷，一定是姜濤的一眾粉絲“姜糖”。已經離開香港個多月、在台灣拍攝電視劇《超感應學院》的姜濤，日前便越洋收到粉絲後援會Keungshowhkfanclub 籌備驚喜，一口氣安排了三部應援車為偶像及劇組打氣。

今次是姜濤第一次離開香港工作，所以第一眼看到三部掛有自己樣貌Banner、人形紙牌的應援車出現劇組拍攝現場，姜濤非常之驚喜：“真係無諗到大家會用呢個形式，好多謝姜糖們！之前因為疫情關係，會見少咗Fans，但都係生活在同一地方。今次去到台灣，分隔兩地，真係好唔同，真係好掛住大家、好想快啲拍完返去。我亦會努力，今次套劇唔會令大家失望。”姜濤更逐一參觀應援車，當中一輛是有齊台灣手沖茶、珍珠奶茶的飲品車；一輛是姜濤最愛即整漢堡包的餐車；另一輛是供應劇組午餐、包括有意粉的餐車。

談及台灣及劇組生活，姜濤說：“台灣生活節奏較香港慢，好適合我；拍劇節奏則較香港輕鬆，劇組又好熱情照顧我，我每日都好開心。”

放假的日子，姜濤透露會去做Gym、約同劇演員一齊玩，與經理人留家Jam歌外，更在找老師試試學跳舞唱歌，吸收當地文化。

雖然說台灣美食多、生活開心，但姜濤仍然表示掛念香港家人和粉絲，還有他放假必食的米線同河粉。