黃翠如自揭變靚原因

黃翠如與陳瀅日前一齊開工拍劇。一向以自然靚作號召的翠如，近日被指突然變靚，翠如透露變靚的是因為減肥之故。陳瀅聞言即忍不住說：“你仲需要減？”

在新劇中飾演狠辣律師的翠如解釋道：“呢套劇一開頭我減咗幾磅，想個樣睇落去專業啲、惡少少，但拍到中段，因為疫情關係，宅家時就不停咁食。”她形容角色造型可以用“型”形容：“形象乾淨又一絲不苟，就算是髮型都很貼服，所以拍攝時都不能郁動太多，還要挺直行路。但因我好易有寒背，惟有盡量記住。”

陳瀅表示自己剛好跟翠如相反，為配合角色需要零化妝外，還要污糟邋遢。疫情持續，問到她的工作可有受影響？陳瀅笑指有影響，但也有好處：“因為有限聚令，《七公主》同另外一套《飛虎之壯志英雄》打鬥戲都暫時唔使拍，因為呢個七、八月太熱，如果要在街上跑，真係頂唔順。今朝我同翠如在沙灘坐住拍已經焗到出汗，加上我哋兩個受唔到反光板，隻眼睜唔開。”

受疫情影響，陳瀅已有一段時間未有返加拿大探望家人，她說：“以為疫情稍好時又變差，又有第二波第三波。希望疫情快些好轉，完成手上工作之後，就會返加拿大陪屋企人。”