黃又南冀新片入圍國際影展

李麗珍與黃又南昨日現身拍電影，珍妹指在疫情下仍有工開，要好好珍惜：“片場好似我第二個家，由細到大在這個環境下長大，好有親切感，又可以令我唔去諗咁多家事。”

又南的右手無名指昨日包了紗布，他解釋說：“昨日拍攝一場打交戲，場面好混亂，我隻手指唔小心插咗入風扇裡面，手指即時畀風扇葉割開，差少少就傷到筋。要去醫院包紮，好在止到血，因為要繼續拍攝，所以冇縫針，相信過多兩日個傷口就可以濕水。”

又南指今次是第三度跟陳果導演合作：“我十五歲就被導演在街邊執我咗返來拍戲，第一套電影就入圍威尼斯影展，跟住佢帶我去法國玩。同佢合作第二套電影就入咗康城影展，佢又帶我去英國玩。希望呢套戲都可以參與大型影展，再去其他地方玩。”