雷恩主場招呼蒙彼

【本報消息】法甲雷恩主場鬥蒙彼利埃，雷恩上周戰畢首輪，狀態佔優，今主場出擊，有力睇好爭勝。

雷恩首輪作客戰和里爾，第二輪返回主場，有地利兼狀態佔優，有力睇好。前線耶利安、拉菲拿等狀態不俗，防線達施華同樣交出表現，加上簽得羅連恩迪、阿古爾特、莫基丹等多名新兵，再添實力。蒙彼利埃首輪賽事延期，上戰賽贏波添士氣，亦有助提升狀態，不過整體實力未算突出，主力射手迪洛特留隊，但上季主力門將路爾尼離隊，對防線實力有影響。雷恩主場戰績一向不俗，今戰有力睇好爭勝。

古拉斯爭好成績

雷恩新兵古拉斯有信心助新東家爭好成績：“我為加盟雷恩感到高興及驕傲，我已經急不及待與新隊友合作，以及與球迷見面。我會盡一切努力，希望能協助雷恩，在聯賽、歐冠賽事爭取更好的成績。”

作客史特拉斯堡的尼斯開咧戰贏波搶得開門紅，前線高爾利首戰即梅開二度狀態十足，配合多貝治、施普里安等進攻，攻力不俗。史特拉斯堡首戰輸羅連安特，狀態、士氣平平之下，尼斯作客有力睇高半線坐和望贏。