坤哥唔介意與薛家燕馬海倫鬧緋聞

日前吳業坤作客TVB娛樂新聞台節目《StarTalk》，接受主持許文軒專訪，大談轉會推出新歌《原始心態》感受。坤哥說：“今次首歌錄咗八日，係有史以來錄得最耐，錄咁耐絕對係我自己嘅問題，不過監製舒文都有問題，因為佢太精益求精，成句錄咗一個鐘，不過咁樣係好事，因為可以提高水準，但係搞到我有少少覺得自己唔識唱歌。”

談到入行十年緋聞多多，連薛家燕和馬海倫都成為緋聞對象，坤哥否認屬漁翁撒網，他說：“同前輩有啲千絲萬縷係開心，因為佢哋好好，好玩得，先至出現呢啲咁得意嘅場面。我以前唔避忌，留個言、訪問講過一句就惹緋聞，依家我下定決心唔再有緋聞出現，因為真係好煩同驚咗！（入行後有冇認真拍過拖？）如果話冇你信唔信？真係冇呀！哈哈哈！只是緋聞！我都想成家立室，但我想大家放下鏡頭前嘅我，希望對象唔好受緋聞同報道影響咁去認識我。”