王君馨拍MV差點崩潰

王君馨(Grace)日前接受娛樂新聞台節目專訪，大談做獨立歌手推出新歌的感受。

Grace早前自資六位數字出新歌專輯，她在節目中透露乜都要落手落腳做：“有份創作歌曲、又要搵MV班底、拍攝埸地、舞蹈藝員啲衫都係自己搵，真係好似生BB咁。”拍MV前後也有太多事發生：“拍攝前一星期，我個造型師入咗醫院、排舞師排練時暈咗、一位舞蹈員整傷膝頭，我當時真係崩潰。去到沙灘拍攝時，突然狂風暴雨，我唯有祈禱，好彩之後突然停雨，我哋立即狂拍，非常感恩，真係關關難過關關過。”Grace亦表示特別要多謝陳友：“我之前在教會認識佢，佢二話不說，用佢遊艇幫手帶我同導演出海、周圍搵沙灘景。”

Grace結婚三年，問到如何與老公維繫關係？Grace說：“情趣就唔好靠男人啦，我老公唔識畀驚喜，佢係個好簡單的人，平時只係返工放工，驚喜等我嚟。我覺得跳舞可以增加情趣，（妳會跳舞畀老公睇？）都會！當然唔使預先排舞，跳一啲有美感嘅舞就得。”