馬季煞科賽總投注逾四百萬

梁國浩劉志森起孖捧盃

昨日馬季煞科，六場黃昏賽順利完成。總投注四百○七萬九千元。開跑前馬會高層率領各部門員工在埸內拜神祈福，祈求新一季諸事順利，人馬平安。

頭場大熱Q順利得勝。余健雄騎浩廄“加洲之寶”，埋門影相以鼻位險勝。此駒連季未贏過，今次馬季煞科決心出擊。有幸抽到一檔，出閘快步搶先，沿途守住好位，入直路全力衝刺，埋門影相贏個鼻，替馬匹標尾會。余健雄、梁國浩攜手拔頭籌。

第二場賀廄爆冷贏“聯安興旺”。此駒上次由田中正一主轡跑入連贏。騎者今次停賽，馬匹帥權落入劉永康手上。此子出閘快步爭先，全程領放由頭直帶到尾，爆十三倍冷W，替馬匹補中。賀蘭杜夫煞科日出擊有頭馬進帳，騎練皆大歡喜。

第三場浩廄起孖兼捧“短途精英盃”。旗下“利是寶”由中野省吾掛帥，以較佳留放挫敵。此雙人馬季內屢有戰功，上次出戰沙地不合腳法途程落敗。今次回師首本路爭盃，騎者出閘快捷，沿途守住二三位小心翼翼，入直路發力一攻而破，將對手擒下。“利是寶”煞科日贏馬，騎、練齊捧盃，喜上眉梢。

第四場何華麟夥拍劉志森廄“聖靈之都”，捧走“澳門金盃”。該駒上次跑千二米負頂磅，憑一條直路殺上退敵。勝後小休一輪再來，今次跑千八平磅作賽，臨場捧成頂頭大熟。出閘順利跟住第四位，全程且戰且走，入直路發力追趕前領 “耀昌之星”，終點前最後一步險勝，大熱門贏得驚險。“聖靈之都”喜捧金盃，成功衛冕。賽後騎練接受頒獎，喜氣洋洋。

第五場劉志森起孖。練者贏完金盃乘勝追擊，旗下“海洋之星”由陳卓鋒押陣出閘快放，一口氣直帶到尾，贏至對手無力招架，替馬匹標尾會。陳卓鋒煞科日贏馬，劉志森梅開二度兼捧盃，收穫甚豐。

尾場張志立爆冷食尾餬。此子騎李家輝廄“荷蘭炮彈”後上掄元。此駒季內未出頭，今次煞科日跑千五米由張志立操刀，成二十一倍冷門，結果一條直路後上殺抵對手替馬匹開齋，騎練合作標尾會。