加洲之寶睇高一線

澳馬今午上演本季煞科戲，六場草地黃昏馬兼轉播十場新加坡賽事。是仗在全闊草地角逐，外地馬頭場兩點正開跑，本地馬頭場四點十分響鑼。今仗跑罷後，新馬季擬定九月十九日開鑼。騎師安萬堯刑滿復出，田中正一停賽。重頭戲第三場及四場上演“澳門短途精英盃”及“澳門金盃”，錦標當前料有激鬥。

筆者心水推介，第一場五六班千二米，梁國浩廄“加洲之寶”可做馬膽。此駒上仗同程闖入三甲，季末表現轉好。拚後重新打磨再來搏殺，今次抽到一檔好位，在全闊跑道角逐形勢大好，值得睇高一線。

“加洲之寶”八歲馬雖老，唯班底全組最高。評分由最高九十四減至現時三十二分，計馬有着數。此駒途程以千二米為最佳，上次負重磅得第三。練者部署今仗反擊，易配余健雄配搭不弱，藉一檔地利出閘搶先有權帶到，冀贏馬“標尾會”。