洪卓立新歌止旅行癮

洪卓立(Ken) 昨日推出新歌《我們都想旅行》，他透露旅行對他來說是必要的事，是釋放掉負能量和放鬆心情的最佳途徑，這首歌的創作靈感就是來自Ken旅行時的一個習慣。他說：“每次旅行，就算鋪頭閂晒，我都好鍾意夜晚周街走，感覺係好舒服。好似愈行得耐就愈放掉更多負能量和不快事，所以每次去旅行我都會咁做，新歌歌詞就正正係講行緊路的一段過程。”

Ken坦言這首歌是近五至七年來最難唱的一首，更以“發洩”二字去形容這首歌：“去旅行我會開住谷歌地圖漫無目地周圍行，有時為咗影幾張相，我會特登搭一、兩個鐘頭車去一個地方，影完就返酒店。過程好似好無聊，但係確實有治療功效，有一個放低一啲嘢的功能在裡面。”

疫情當前，令很多喜歡去旅行的人無法隨心所欲地起飛，Ken亦然。他說：“疫情好轉之前，我哋要好好照顧自己心靈健康，提醒自己要快樂，期待下一次旅程。希望每一年都有時間去唔同地方，可能去好近地方旅行都已經達到我呢首歌嘅效果，影吓相、食好東西，最重要係叉足電返來繼續工作，哈哈。”