Serrini玩音樂只為開心

獨立歌手Serrini日前接受J2音樂台訪談節目專訪，大談做獨立音樂感受，並表示不介意同任何人合作。

Serrini今年首奪流行榜冠軍歌，作品開始打入樂壇主流。她透露初時創作主要受盧廣仲影響：“其實我玩音樂係為自己開心，我鍾意表演，想做一個Diva，但呢種態度對認真唱歌的人來說，係唔會理解的。我覺得我係屬於半流行，係獨立音樂同主流之間的一個小島，等其他人從中間經過。”

提到她曾與at 17及鄭秀文同台，Serrini說：“當年有日我去到‘人山人海’演出現場，盧凱彤就問我唱唔唱和音？我乜都冇問就話好。其實我已經同佢監製蔡德才講過我唔識唱和音，但佢覺得Ok我就Ok啦！之後我仲問另一個和音，究竟我要做乜？我諗佢可能都覺得我好怪。我就做咗at 17的伊館演唱會和音。”

至於與鄭秀文合唱，Serrini笑說：“一八年內地舉行廣佛春浪音樂節，秀文見我在同一個音樂節，又覺得我好搞笑，於是就邀請我同台Rap。成件事好隨意，我就照上去，我心諗成個場館兩三萬人都唔知我係乜水。”