伍樂城鍾意與Twins合作

音樂人伍樂城(Ronald)接受J2音樂訪談節目專訪，大談與不同歌手如Twins、古天樂、謝霆鋒、衛蘭、梁朝偉、劉德華、楊千嬅、關心妍等的合作趣事。

伍樂城大讚謝霆鋒及古天樂非常勤力：“第一次做監製，係錄謝霆鋒的《無聲仿有聲》。當時我冇諗過自己可以咁快做監製，因為交歌時大膽問不如畀埋我做監製？霆鋒好有耐性，唔休息、不斷唱同彈結他；見佢九成九時間都係咁，印象中佢好似唔食飯。古天樂又係一個不斷唱、唔休息的人，一撳掣音樂起佢就唱，佢會嘗試做到我的要求為止，唔叫佢停都唔會停。”

談到與Twins的合作，伍樂城說：“好多謝唱片公司隻眼開、隻眼閉，因為咁才有個空間畀我任做，歌路連帶形象都畀晒我與填詞人發揮，呢樣對創作人來說係好開心的。”

當日阿Sa亦有現身節目，她說：“我哋錄《明愛暗戀補習社》同《女校男生》係同時間錄的。我本身有鼻敏感，鼻音好重，唔知點解我唱歌會好用力。所以伍樂城同Mani成日話我唱歌好似任劍輝，用平喉去唱時代曲，Ronald好好人，通常錄音前會先唱一次畀我哋聽。”