接二連三出意外

湯告魯斯復工多災難

唔怕生壞命，最怕改壞名，五十八歲的“靚佬湯”湯告魯斯(Tom Cruise)的成名電影系列《職業特工隊》(Mission: Impossible)大有“不可能的任務”的意思。

在疫情復工拍攝《職業特工隊 7 》期間，由係威係勢高調復工，到日前在英國拍攝某場電單車飛車鏡頭時發生意外，真係多災多難。據英國《太陽報》報道，雖說參與拍攝的特技演員沒有大礙，但意外引起的火災為劇組帶來了約二百萬歐元（約二千萬澳門元）的機件損失。接二連三的工作不順，搞到“靚佬湯”都好鬼沮喪。

知情人士指這次意外對靚佬湯而言是延誤的災難，消息指即使經過了六個星期的籌備，卻因為計算錯誤，算漏了輪胎的熱量和摩擦力等物理反應，故此電單車和紙板等碰撞時擦出火花引爆火災，搞到拍攝要再度延期。其實三年前靚佬湯在倫敦拍攝《職業特工隊 6 》時已經有過腳傷，出名拍戲搏到盡的他卻從未停止拍危險動作，務求達到好睇刺激的視覺效果。拍完英國的場次，按原計劃八月底將會到挪威開工。

另外，迷信山達基教（Scientology，又名科學教）的靚佬湯近年影響到養子Connor Cruise信教。據前山達基教學者Leah Remini向媒體《New York Post》爆料，指他有建議靚佬湯令他的女兒素莉(Suri Cruise)也入教，借此遠離其前妻女星兼素莉母親姬蒂荷曼絲(Katie Holmes)，Leah建議靚佬湯不用心急，應等到素莉十五歲時才可以行動。靚佬湯視姬蒂為該教的破壞者，故此近年刻意拒見素莉，兩父女對上一次合照已經是一三年了。