苑瓊丹幫陳彥行搵筍盤

陳彥行日前接受苑瓊丹邀請，與愛犬亮相香港開電視節目《開工大吉77》受訪，二人因應疫情，戴上口罩做節目。陳彥行與苑仔老友鬼鬼，直呼對方做“老苑”：“當年拍處境劇對得耐成為老友，我所有嘅事佢都知道，佢可以話係我第二個阿媽，周不時幫我留意筍盤，有一次佢隻狗睇醫生，見個獸醫幾靚仔，走去問人家結咗婚未，話想介紹畀我識！睇怕第日我有幸嫁得出，都要跪地斟茶畀佢先報到恩。”

陳彥行話初入電視台時，思想比較單純，被苑仔取笑，叫她大小姐：“佢頭先都話我入行初時十指不沾陽春水，的確我係好需要照顧，可能係我媽咪照顧得我太好啦，由細到大都係媽咪話事，乜都唔使我煩。苑仔話我係名門之後，其實我太公係一個烈士，但我都唔敢掛喺口邊，因為自己入行咁多年，都冇咩成就怕影衰祖先。”苑仔希望陳彥行釣到金龜，奈何對方對狗更有興趣：“依家約佢食飯佢都唔出嚟，不時要照顧隻狗、帶另一隻睇醫生，睇嚟都要搵個獸醫老公畀佢，順便慳番啲醫藥費。”