東方盈悅 再下一城

澳馬今晚上演六場草沙混合賽兼直播八場南非馬，全日十四場可供投注。外地馬打頭陣於六點二十分開跑，本地馬頭場七點○五分響鑼。騎師安萬堯停賽，其餘原班人馬上陣。綜觀大局，各場多缺乏重心，群龍無首局面，暗湧重重，賽果熱倒冷爆唔奇。

筆者心水推介，第五場三班一三五○米，王君適廄“東方盈悅”可做馬膽。此駒上仗同程贏來易如反掌，可見馬匹近期勇猛。拚後小休原程再搏，續由余健雄熟手操刀，人馬可爭連捷。

“東方盈悅”乃適廄精品，來澳十戰已取四勝四位，論上名算高。此匹四歲馬質新未用盡，今季愈跑愈好，尤其沙地賽不勝有位，甚少“甩拖”。上仗贏後唞夠再來，埋門由余健雄親自操過，狀態保持得好。今番原配再戰原程，遇同組對手不外如是，有力再下一城。