荷蘭炮彈拼盡求逞

昨周二主課期晨操如常，收操後有兩組試閘。回顧上周五晚賽果，不少馬被捧成熱門死火，周日則大冷大熱，個別場合熱門勝出派彩如雞肋。現在不時有七八駒角逐場合，所謂“人少好做作”，賽果古靈精怪。上仗兩匹大冷門“婦好將軍”及“寶珠小姐”還未有過表現，但分別跑二三名，令人詫異，普羅馬迷要買中唔易。總之玩馬仔千祈咪搏命，十元八塊當交娛樂費好了。

澳馬今季只剩四次賽事，各路人馬月內最後衝刺。李家輝廄上仗搏殺中孖寶，迄累計頭馬二十二場，龍虎榜排第八位。以養馬現只十匹的細倉而言，此成績簡直出色。廄主乃前四屆冠軍，該季為爭奪此榮譽，戰駒可拼則拼。但有後遺症，因搏得多不少要退役，令廄內兵源驟減，一時間要補充新馬亦青黃不接，致連季成績跌落谷底。猶幸李家輝撐得住，近年續有新馬加盟，上季成績逐步扳升。今季單憑廄內十駒摘取二十二W，平均每匹馬贏兩場，算交到功課。

練者今季同何華麟攜手共取十二W，騎者儼如馬房影子主帥，效力輝廄忠心耿耿。上仗“鑽飾月光”何華麟操刀再下一城，此駒乃李家輝岳父名下愛駒，今季在何華麟胯下共贏三場，未用其他騎師主轡。由此反映，騎練合作無間。輝廄個別戰駒戰績更標青，如“輝煌昇”摘取四冠，“妙算威龍”、“康安之星”及“柏檔明駿”俱取三捷，成績可人。除“荷蘭炮彈”屬廄內守齋馬，其餘已有頭馬交代。季尾練者極欲替此駒謀開齋，近期已加強操練，做足工夫等待時機搏殺。本周共跑兩次賽事，周五悉先上演沙草夜馬，至周日轉跑黃昏馬。周五輝廄只派一駒出戰，“荷蘭炮彈”報跑三四班千二米。此駒連仗由劉永康一手跟進，據悉今次會用何華麟掛帥，看來必有諗頭。質新馬連敗減分已多，現居此組負輕磅有得揮，易配何華麟必拼盡求逞，倘抽得好檔位，賽日值得一試。