李愛林爆發哥家輝笑料

昨日，前威禾電影製片李愛林，上倪詩蓓的新城節目《詩情廿四味》受訪，大爆當年跟周潤發、梁家輝和徐錦江拍《賭神二》的笑料。她指發哥未埋位休息時，突然間眼定定望住她雙腿講：“除咗你對鞋同襪，我需要你雙腳板。”當時發哥鑽研腳底按摩，影帝出聲點敢唔畀，痛到標眼水都死忍。這時梁家輝摸住個頭走近話頭好痛，原來剛買了架mini cooper，太太話要載他出西貢外景，家輝六呎高坐在車內，一路行個頭就一路撞上車頂，“由巿區撞到入西貢，唔頭痛就有鬼啦！”

那時候徐錦江剛結婚，想向模範夫妻發哥請教，出外拍戲老婆不在身邊，怎樣警惕使自己不出軌。發哥指如老婆不在身邊，他會把結婚照帶在身上。結果徐錦江下一次出國拍電影《刀劍笑》，李愛林見徐錦江帶了一張好像皮篋大小的結婚相同行，她問徐錦江為何帶那麼大張？徐說：“為咗警惕自己，放喺房正中間，行到邊度老婆都盯着我，咁實唔會行差踏錯啦！”